Vüqar Məmmədov

Vüqar Məmmədov CLS-in İdarəedici Ortağıdır. O, son 12 ildə hüquq və vergi məsələləri ilə bağlı yerli və beynəlxalq şirkətlərə məsləhət vermişdir. Vüqar “PricewaterhouseCoopers” şirkətində vergi məsləhətçisi vəzifəsindən hüquq üzrə menecer vəzifəsinə kimi yüksəlmiş; “Deloitte&Touche” şirkətində uzun illər baş menecer olaraq hüquq xidmətlərinə rəhbərlik etmişdir.

İş təcrübəsindən nümunələr:
• Azərbaycanda bankın alqı-satqısı
• Məhkəmə və beynəlxalq arbitraj təcrübəsi
• Iranda biznes mühitinin hüquqi tənzimlənməsi
• Bir sıra Avropa, MDB və Ərəb ölkələrində yerləşən şirkətlər qrupunun alınması
• Bir sıra kapital və kredit layihələrinin maliyyələşmələri ilə bağlı məsləhətlər
• Əmək, miqrasiya və miqrantların vergi məsələləri
• Azərbaycan və xarici tərəflərin arasında müxtəlif yurisdiksiyalar üzrə Birgə Müəssisələrin təsis edilməsi
• Nüfuzlu Türkiyə bankı ilə danışıqların aparılması və MBD ərazisi üçün müstəsna hüquqlarla bağlı lisenziya müqaviləsinin bağlanması Daha Ətraflı

Samir Qurbanov

Samir Qurbanovun Azərbaycan hüquq bazarında 18 ildən artıq təcrübəsi var. O, bir sıra nüfuzlu banklara və neft şirkətklərinə bank və maliyyə, layihələrin maliyyələşdirilməsi, neft, qaz və vergi məsələləri ilə bağlı məsləhət vermişdir. Samirin müqavilə danışıqları və mübahisələrin həll edilməsi sahəsində geniş təcrübəsi vardır.

İş təcrübəsindən nümunələr:
• Yerli banklara nüfuzlu beynəlxalq banklarla beynəlxalq maliyyələşmə məsələləri ilə bağlı məsləhətlər
• Korporativ və valyuta sistemləri ilə bağlı məsləhət
• Qazma əməliyyatlarını maliyyələşdirmək üçün Azərbaycan Hökumətindən kredit alınması ilə bağlı beynəlxalq neft şirkətinə məsləhətlər
• Qiymətli kağızlar və maliyyə məsələləri üzrə məsləhətlər
• İslam bankçılığı məsələləri ilə bağlı məsləhət
• Xarici neft şirkətlərinə şirkətlər qrupunun qoşulması ilə bağlı xidmətlər
• Yerli banka bir sıra derivativ əməliyyatları ilə bağlı məsləhət və “İSDA” üzrə hüquqi rəy
• Yerli banka xarici yurisdiksiyada olan beynəlxalq çəkişmə məsələləri ilə əlaqədar məsləhət
• Beynəlxalq neft şirkətinəistiqrazların emissiyası məsələsi ilə bağlı məsləhət
Daha Ətraflı

Elnur Eyvazov

Elnur Eyvazov CLS-də Baş hüquq məsləhətçisi vəzifəsində işləyir. O, CLS – dən öncə “JP Morgan Chase & Co.” (Nyu York, ABŞ), “Britiş Petroleum” (Bakı, Azərbaycan), “Klifford Çans” (London, Birləşmiş Krallıq) şirkətlərində, Amerika Hüquqşünaslar Assosiasiyasında, “Praktikal Salyuşns Qrup”-da çalışıbdır.

Elnurun biznes hüququ, korporativ maliyyə hüququ, biznes etikası, enerji hüququ, investisiyanın idarə edilməsi və maliyyə hüququ sahələrində geniş təcrübəsi vardır. Elnur özünün peşəkar və şəxsi keyfiyyətlərini göstərdiyi bir sıra yerli və beynəlxalq layihələrdə iştirak etmişdir. Hazırda o, həmçinin ADA Universitetində Enerji hüququ, Biznes hüququ və Biznes etikası fənlərini baş müəllim olaraq tədris edir və Fərqlilik və Bərabər İmkanlar Departamentinin Direktorudur.

İş təcrübəsindən nümunələr:
• AİB və AYİB üçün məsləhətlər və onların müxtəlif hüquq layihələrində təmsil edilməsi
• Beynəlxalq arbitraj təcrübəsi
• SOCAR Polimer üçün məsləhətlər və onu müxtəlif hüquq layihələrində təmsil edilməsi
• Enerji şirkətinə Hasilatın Pay Bölgüsü barədə Saziş üzrə və “Goldman Sachs International” şirkəti ilə Opsion qoyuluşu barədə Sazişlər ilə bağlı məsləhətlər Daha Ətraflı

Səbuhi Tağıyev

Səbuhi Tağıyev CLS-də Hüquq məsləhətçisi vəzifəsində işləyir. Səbuhi CLS-dən öncə nüfuzlu beynəlxalq hüquq şirkəti olan “Beyker və Makenzi” şirkətində çalışıb. Onun iş təcrübəsi əsasən korporativ, bankçılıq, maliyyə, ticarət hüququ və hüquqi şəxslərin yenidən təşkili (M&A) sahələrinə yönəlib. Səbuhi bir müddət nəhəng beynəlxalq şirkətə hüquqçu kimi ezam olunmuşdur.

İş təcrübəsindən nümunələr:
• Beynəlxalq şirkətə ezam olunduğu müddətdə müxtəlif məsələlərlə bağlı məsləhətlərin verilməsi
• İnsan resursları və ekoloji audit
• Şirkətin qeydiyyatı və ləğv edilməsi xidmətləri
• Əməkçi miqrantlara miqrasiya, viza, iş icazəsi və qeydiyyat tələbləri ilə bağlı məsləhətlər və lazımi sənədlərin alınması
• İş və yaşamaq üçün icazənin, müxtəlif lisenziyaların və sertifikatların alınması üçün hüquqi məsləhətlər
• Müqavilə danışıqlarında müştərilərin təmsil edilməsi, icarə, xidmət, alqı-satqı, reklam və digər növ müqavilələrin layihələrini hazırlanması
• Hüquqi araşdırmalar və bunun əsasında memorandumların hazırlanması
• Bir sıra şirkətlərə əmək, gömrük və vergi məsələləri ilə bağlı məsləhətlər Daha Ətraflı

Afa Xəlilzadə

Afa Xəlilzadə CLS-də Hüquq məsləhətçisi vəzifəsində işləyir. O, CLS-dən öncə “Karasu”, “Binəqədi Neft” şirkətlərində və “ASAN Xidmət”də çalışıb. Onun əsas təcrübə sahələri neft və qaz sektoru, bank və maliyyə hüququdur.

İş təcrübəsindən nümunələr:
• Məktubların, hüquqi rəylərin və memorandumların hazırlanması
• Korporativ sənədlərin hazırlanması
• Korporativ idarəetmə işləri üzrə məsləhətlər
• Qanunvericilik tələbləri ilə bağlı məsləhət verib
• Korporativ məsələlər və biznes əməliyyatları ilə bağlı məsləhətlər
• Əmək məsələləri və miqrasiya qanunvericiliyi üzrə məsləhət xidmətləri
• Müqavilədən əvvəlki danışıqlar zamanı hüquqi dəstək və müqavilə layihələrinin hazırlanması
• Məhkəmə təcrübəsi
• Daşınmaz əmlakın hüquqi baxımdan qiymətləndirilməsi və s.
Daha Ətraflı

Məmməd Rəsul Qaffarlı

Məmməd Rəsul Qaffarlı Azərbaycanda təcrübəli və tanınmış vergi mütəxəssisi və auditorlardan biridir. Məmməd Rəsul müəllim 40 illik təcrübəsi ərzində bir sıra tanınmış şirkətlərin baş mühasibi işləyib, həmçinin Böyük Dördlüyə daxil olan beynəlxalq audit şirkətlərində10 ildən artıq çalışmışdır.

Məmməd Rəsul müəllimin müstəqil auditor kimi fəaliyyət göstərmək üçün lisenziyası vardır və o, Azərbaycanda sertifikatlaşdırılmış mühasibdir.

İş təcrübəsi:
• Milli və beynəlxalq maliyyə hesabatı standartları əsasında maliyyə hesabatlarının və digər hesabatların hazırlanması
• Aylıq və illik maliyyə hesabatının bağlanmasının icrası və “Baş kitab”da olan məlumatların müqayisəsi,risklərin qiymətləndirilməsi
• Bütün yerli vergilərin hesablanması və ödənilməsi, hesabatların hazırlanaraq təqdim edilməsi
• Müxtəlif mühasibatlıq proseslərinin təkmilləşdirilməsi və tətbiqi
• Müştərilərin vergi qanunvericiliyinə (həmçinin əmək haqqının hesablanması, internet-bank vasitəsi ilə əmək haqqının ödənilməsi) riayət etmələri üçün cavabdeh olmaq
• Aylıq, rüblük, illik vergilərin, sosial sığortanın ödənilməsi, məşğulluqla bağlı statistik hesabatların hazırlanması
• Mühasibatlıq sənədlərinin arxivləşdirilməsi
• Vergi yoxlamaları zamanı müştərilərə yardım etmək
• Maliyyə nəzarəti Daha Ətraflı

Günay Əliyeva

“Capital Legal Services” – də Əməliyyatlar üzrə Direktor vəzifəsində çalışır. Günay inzibati, maliyyə, İnsan Resursları və risklərin idarəedilməsi məsələləri ilə, həmçinin maliyyə və fəaliyyət strategiyası ilə məşğul olur. Günay CLS-dən öncə “PricewaterhouseCoopers Azerbaijan” şirkətində, Azərbaycan Respublikası Mərkəzi Bankında çalışmışdır. O, Azərbaycan Dövlət İqtisad Universitetinin “Maliyyə və Kredit” ixtisası üzrə bakalavr və magistr dərəcəsi almışdır. Günay, həmçinin Beynəlxalq Maliyyə Hesabatları Standartları üzrə ACCA diplomuna sahibdir.

Nərmin Mütəllimova

Ofis menecer